Бөгөн Хәйбулла һәм Йылайыр районы махсус хәрби операцияла ҡатнашып, һәләк булған Закир Исҡужинды һуңғы юлға оҙатты. Был хаҡта Хәйбулла һәм Йылайыр районы хакимиәт башлыҡтары үҙҙәренең социаль селтәрендә пост яҙҙы. Хәйбулла районы хакимиәт башлығы үҙенең "Бәйләнештә"ге сәхифәһендә түбәндәге яҙыуҙы ҡалдырған. "Ҡыҙғанысҡа ҡаршы, тыуған еребеҙ йәнә ауыр ҡайғы кисерә - ул лайыҡлы улын, ысын яугир һәм батырын юғалтты... Бөгөн беҙ Украинала хәрби операция ваҡытында һәләк булған яҡташыбыҙ, Закир Зөфәр улы Исҡужинды һуңғы юлға оҙаттыҡ. Хәйбулла егете тип белһәк тә, Закир Зөфәр улы I -IX кластарҙа Йылайыр районы Япарһаҙ мәктәбендә уҡый. Шуға күрә хушлашыу сараһы ошо ауылда үтеп, әсәһенең тыуған ауылы Иҫке Яҡупты мәңгелек төйәк итте яҡташыбыҙ. Закир һәр ваҡыт эскерһеҙ, алсаҡ булыуы менән айырылып тора. Осрашҡан ваҡыттарҙа ла ул ихлас һүҙ ҡушып, хәлдәрен һөйләп китер, яҡташтарына рәхмәтен белдерер ине. Хәрби бурысына һуңғы һулышына тиклем тоғро ҡалған батырыбыҙҙың Ҡаһарманлыҡ ордены уның апаһына тапшырылды. Барлыҡ Хәйбулла районы халҡы исеменән Закир Зөфәр улының яҡындарының ауыр ҡайғыһын уртаҡлашабыҙ.Ауыр тупрағың еңел, йәнең йәннәттә булһын, Закир! Һинең туралағы яҡты иҫтәлек беҙҙең йөрәктәрҙә мәңге һаҡланыр!"- тип яҙған Рөстәм Динислам улы. Урының йәннәттә булһын, батыр яугир! Туғандарының ауыр ҡайғыһын уртаҡлашабыҙ. Фото: Рөстәм Шәриповтың "Бәйләнештә"ге сәхифәһенән.