Өфөнөң полярсылар музейы Санкт-Петербургта экспозиция тәҡдим итәсәк

В.И. Альбанов исемендәге полярсылар музейы Башҡортостан Республикаһы көндәрен төньяҡ баш ҡалала үткәреү ваҡытына “Башҡортостан диңгеҙселәре Ватанға хеҙмәт итә!" күсмә күргәҙмәһен асасаҡ. Күргәҙмә 24 августа иртәнге сәғәт 12-лә Рәсәйҙең Арктика һәм Антарктика дәүләт музейында асыла. Ул Бөйөк Ватан һуғышы ваҡытында төньяҡ флотта хеҙмәт иткән, илдең оборона һәләтен нығытҡан республикабыҙҙан сыҡҡан хәрби моряктарға арналған. Экспозицияның почетлы ҡунаҡтары – Рәсәй Геройы, запастағы генерал-майор Риф Сәхәбетдинов, Рәсәй Геройы, запастағы 1-се ранг капитаны Константин Сурков, контр-адмирал Батыргәрәй Зөлҡәрнәев һәм башҡалар. Башҡортостан Республикаһы көндәрендә Полярниктар музейы һәм Санкт-Петербургтың Арктика музейы хеҙмәттәшлек тураһында килешеү төҙөйәсәк, ул ике учреждениеның үҙ-ара эш итеүен киңәйтәсәк. Сығанаҡ: https://resbash.ru/news/kultura/2023-08-23/ufimskiy-muzey-polyarnikov-predstavit-ekspozitsiyu-v-sankt-peterburge-3400396