Төбәктә йәшәүселәр күсмә флюрографта, ЭКН аппаратында һаулығын тикшертте, дөйөм ҡан анализын, шулай уҡ глюкоза һәм холестеринға тапшырҙы, күҙ баҫымын үлсәтеп, күреү һәләтен тикшерҙе. Маршрут Нөгөш, Ҡотош, Первомай, Тамъян, Дарьино ауылдары аша һалынғайны. Табиптар бригадаһы ауыл халҡына диспансеризацияла ҡаралған күләмдә тикшереү үткәрҙе һәм диспансер күҙәтеүе аҫтында торғандарға медицина ярҙамы күрһәтте. «Һаулыҡ Һаҡлау» милли проектының «Сәләмәт республика - сәләмәт төбәк» акцияһы сиктәрендә «Сәләмәтлек поезы» өс аҙна эшләү дәүерендә белгестәр тарафынан 3685 кеше, шул иҫәптән өлкәндәр 2113 кеше ҡаралған: терапевт 434 кеше, хирург 106 кеше, гинеколог 254 ҡатын - ҡыҙ, кардиолог 250 кеше, офтальмолог 401 кеше, уролог 101 кеше, невролог 278 кеше, эндокринолог 289 кеше. Балалар белгестәре бригадаһы 1572 баланы ҡараны, шул иҫәптән: педиатр – 298 кеше, хирург – 234 кеше, невролог – 225 кеше, офтальмолог – 237 кеше, теш табибы – 306 кеше, лор - табип – 272 кеше . Иҫегеҙгә төшөрәбеҙ, РФ Президенты Владимир Путин инициативаһы менән "Һаулыҡ" ("Здоровье") милли проекты 2019 йылда старт алды, ул Рәсәйҙә граждандарҙың һаулығын һәм медицина ярҙамы сифатын яҡшыртыу өсөн әҙерләнгән.