Сит илгә ял итергә барған ғаиләнең ялы фажиғәле тамамланған. 38 йәшлек Ирина сығышы менән Иҫке Балтас ауылынан, ләкин тормош иптәше һәм балалары менән күрше Татарстанда йәшәгән. 9, 6 һәм 3 йәшлек улдары менән ул Мысырға аҡса эшләргә барған иренең хәлен белергә осҡан. Ауыл халҡы әйтеүенсә, ғаилә ҡырағай пляжда һыу ингән. Ғаилә башлығы һәм өлкән улы бата башлаған. Ирҙе яҡында ғына йөҙгән спортсы ҡотҡара, ә Ирина улы артынан һыуға ташлана. Был ваҡытта ике бәләкәй бала яр буйында ҡалған. Ирина һәм 9 йәшлек малайҙы һыуҙан тартып сығарырға маташҡан урындағы ир һыуға батып үлгәндәр. Туғандары аҡса йыйып, Иринаның һәм улының кәүҙәһен алып ҡайта. Уларҙы Иҫке Балтас ауылында ерләйҙәр. Иҫән ҡалған ике улы әлегә Мысырҙа, атаһы янында ҡалған. Фото: ирекле сығанаҡтан.