Таныш булығыҙ: Руфь Бикмәева, йәш рәссам. Ул Әлшәй районы үҙәге Раевка ҡасабаһындағы балалар сәнғәт мәктәбендә балаларҙы, үҫмерҙәрҙе һүрәт төшөрөү үҙенсәлектәренә өйрәтә. Талантлы йәш белгес менән Әлшәй тарафтарында командировкала булғанда таныштыҡ. Әле Руфь Волга буйы федераль округының 14 төбәге араһында барған “ФормАРТ” фестиваленең финалында ҡатнаша. Был сара урам сәнғәтен үҫтереү аша йәш рәссамдарға булышлыҡ итеүгә, ҡалаларҙың йөҙөн заманса үҙгәртеүгә, күркәмләндереүгә йүнәлтелгән. Быйылғы фестивалдең темаһы – “Белем көсө”. Руфь Башҡортостандың Мәғарифты үҫтереү институты бинаһының диуарына “Белем юлы” тигән һүрәт төшөргән (фотола). – Композицияның үҙәк өлөшөндә – стилләштерелгән Ваҡыт ҡуласаһы, уның уҡтары тарихи үткәндәрҙе төрлө осорҙарға бүлә. Ҡағыҙ ҡош (оригами) элеккенең бар белемен үҙенә йыйып, киләсәккә – билдәһеҙлеккә оса. Был эшем менән ҡошҡа ҡанаттар кәрәккән кеүек, кешегә белем мөһим икәнен аңлатырға тырыштым, – ти йәш рәссам. Әле финалсылар өсөн тауыш биреү бара, ул и