Йылайыр районының автоклубы тамашасыларҙы яңы программа менән ҡыуандырған. Күп функциялы күсмә мәҙәни үҙәк (автоклуб) был юлы Сәлим ауылында булған. Матрай мәҙәниәт һәм ял үҙәгенең концерт бригадаһы тамашасылар өсөн сағыу йәйге күңел асыу программаһы әҙерләгән. Хәтерегеҙгә төшөрәбеҙ, Күп функциялы күсмә мәҙәни үҙәк, йәғни автоклуб, бында 2020 йылда дәүләт етәксеһе В.В. Путин указына ярашлы барлыҡҡа килгән "Мәҙәниәт" милли проектына (национальный проект “Культура”) нигеҙендә тормошҡа ашырыла. Автоклубтың йыр төркөмө һәм солистары халыҡ яратҡан йырҙарҙы башҡарып, ҡатнашыусыларға яҡшы кәйеф бүләк иткән. Ойоштороусылар музыкаль викторина, балалар һәм уларҙың ата-әсәләре өсөн төрлө конкурстар ҙа үткәргән. – Автоклуб үҙ бурысын һөҙөмтәле үтәй. Халыҡ уның эше менән ҡәнәғәт, артистарҙың тағы килеүен түҙемһеҙлек менән көтә, – ти район мәҙәниәт йорто директоры Миңзифа Кинйәбулатова. Сығанаҡ: vk.com/kulturarb