“Экология” милли проекты һәм “Атайсал” проекты сиктәрендә Федоровка районының Сашин ауылында халыҡ иҫке ҡойма урынына матурын һәм зыяратҡа яңы ҡапҡа ҡуйҙы. – Ҡапҡаны алмаштырыу теләге күптән бар ине, – тине Алевтина Репьева. – Һәм бына былтыр, яҡындарыбыҙҙың ҡәберенә барғас, материал һатып алыу өсөн аҡса йыйыу тәҡдимен индерҙек. Кешеләр теләктәшлек менән яуап бирҙе, йыйылған аҡсаға металл һатып алдыҡ. Анатолий Репьев һәм уның улы Андрей бушлай матур семәрле ҡапҡалар эшләне, һуңынан уны урынлаштырҙылар. Троицаға зыяратҡа килгәс, элекке сашиндар аҡсаны кәртәгә йыя башларға булды. Бының өсөн инициативалы төркөм ойошторолдо һәм дөйөм чаттар булдырылды. Кәрәкле сумманы йыйғас, Ырымбурҙа металл секцияларға заказ бирҙек, килтереү бик ҡиммәт булғас, уларҙы үҙ машиналарында Сергей һәм Александр Синёвтар алып килде. Мәләүездә бағаналар һатып алдыҡ, быстыҡ һәм буяныҡ. Бөтә нәмә әҙер булғас, яҡташтар йәнә зыяратҡа йыйыла, беренсе көндө өмәлә иҫке ҡойманы һүтәләр, ә икенсе көндө яңыһын ҡуялар. Ҡатын-ҡыҙҙар ҙа, ир-егеттәр ҙә бик татыу эшләгән. Быйыл йәй яҡташтар башлаған эште дауам итеп, йәнә аҡса йыя башлаған. Теняев ауыл биләмәһе хакимиәте лә үҙ өлөшөн индерә, башлыҡ Михаил Храмов “Искра” (етәксеһе М.Р. Начкебия) яуаплылығы сикләнгән йәмғиәте йөҙөндә бағыусы таба, ул 84 мең һум аҡса бүлгән. Уҙған йылдағы кеүек үк кәрәкле материалдар һатып алына һәм өмәләрҙә шул уҡ кешеләр яңы ҡойма ҡуя. Хәҙер туғандарының һәм яҡындарының һуңғы төйәген 107 метр оҙонлоғондағы матур ҡойма һәм ҡапҡа биҙәй. Билдәле булыуынса, "Экология" (национальный проект “Экология”) милли проекты Рәсәй Президенты Владимир Путиндың май указы менән булдырылды. Фото: Федоровка районы хакимиәте.