Үзбәкстан вәкилдәре "Башҡорт аты" фестивале тураһында

11-12 августа Баймаҡ районы биләмәһендәге Граф күле буйында халыҡ-ара башҡорт тоҡомло “Башҡорт аты” фестивале уҙҙы. Ҙур сарала сит илдәр вәкилдәре лә ҡатнашты. Үзбәкстан Республикаһы Джизак өлкәһе Янгиобад районы Хокимы Иброхим Каршибоев һәм Джизак өлкәһенең ат спорты федерацияһы рәйесе И. Хазраткулов фестивалдән алған тәьҫораттары менән уртаҡлашты. - Фестиваль юғары кимәлдә ойошторолған. Майҙансыҡҡа килеү бик уңайлы.Тәбиғәтегеҙ матур, күп милләтле халыҡ бик ҡунаҡсыл. Мин һеҙгә уңыштар теләйем һәм БР етәкселегенә һәм Баймаҡ районына матур байрам өсөн, халҡығыҙҙың традицияһын һаҡлағанығыҙ, үҫтергәнегеҙ өсөн рәхмәт белдерәм, тине Иброхим Каршибоев. - Миңә башҡорттарҙың милли спорт төрҙәре бик оҡшаны. Үҙем дә ат яратам, хужалығымда бер нисәне тотам да. Үзбәкстанда ла ат спорты киң үҫешә, шуға хеҙмәттәшлек итеү, тоҡомло аттарҙы үрсетеү буйынса тәжрибә уртаҡлашыуға шатмын, тине И. Хазраткулов. Дмитрий Фадеев тексы һәм фотоһы.