Бөгөн баскетбол яратмаған кеше бик һирәктер. Ул – тотош донъяла ҙур танылыу яулаған спорт төрө. Ә был күренештең төп сере нимәлә һуң? Баскетбол ябай уйын түгел. Ул үҙенә күрә йәшәү рәүеше. Был спорт төрө кешелә сәмселлек, етеҙлек, аныҡлыҡ кеүек һыҙаттарҙы тәрбиәләй һәм команда менән бергә эшләү серҙәренә өйрәтә. Тағы баскетбол төрлө йәштәгеләрҙе һәм төрлө һөнәр эйәләрен берләштереү ҡеүәтенә эйә, сөнки спорт майҙансығында барыһының да хоҡуғы тиң. Бында кем – уҡыусымы, студентмы йәки хеҙмәткәрме – булыуың мөһим түгел. Иң мөһиме: бер командала уйнай, уртаҡ тел таба белергә һәм матч ваҡытында спорт майҙансығында осраған төрлө ҡаршылыҡтарҙы еңеп сығырға тейешһең. Бөгөнгө геройым Дияз Миңлейәров бәләкәстән баскетбол менән мауыға. Тренеры – Зөлфиә Асҡарова. Дияз кеүек ҡустыһы Малик та ошо спорт төрө менән дуҫ, тағы футболды үҙ итә. Ағайҙарына эйәреп, бәләкәй ҡустылары – дүрт йәшлек Кәрим дә туп менән уйнарға әүәҫ. Малайҙар Өфө районының Шамонин ауылында йәшәгән Дилә менән Рөстәм Миңлейәр