Призывание помощи Духа Святаго
на всякое дело доброе.
Молитва
ЦАРЮ НЕБЕСНЫЙ
Царю Небесный, Утешителю,
Душе истины,
Иже везде сый
и вся исполняяй,
Сокровище благих
и жизни Подателю,
прииди и вселися в ны,
и очисти ны от всякия скверны,
и спаси, Блаже, души наша.
Аминь.
Мирянам можно и нужно ее читать перед началом любого дела для призывания Духа Святого, для утешения, перед выходом из дома.
Нет ограничений в чтении этой молитвы, кроме дней от Пасхи до Пятидесятницы, когда мы не читаем Царю Небесный, а поем тропарь Пасхи «Христос воскресе из мертвых…»
Тропарь, глас 2
Творче и Создателю всяческих,
Боже, дела рук наших,
к славе Твоей начинаемая,
Твоим благословением
спешно исправи,
и нас от всякаго зла избави,
яко Един Всесилен
и Человеколюбец.
Аминь.
Кондак, глас 6
Скорый в заступление
и крепкий в помощь,
предстани благодатию
силы Твоея ныне,
и благословив укрепи,
и в совершение намерения
благаго дела
рабов Твоих произведи:
вся бо елика хощеши,
яко Сильный Бог,
творити можеши..
Аминь.