Ҡымыҙҙы иң беренсе Урта Азия һәм Монголияла йәшәгән күсмә ҡәбиләләр әҙерләп ҡулланған. Эсемлектең тарихы энеолит дәүеренән үк башлана. Был 5500 йыл элек тигәнде аңлата! Сусамыр далаһында бейә һөтө таптары булған кәзә тиреһенән эшләнгән һауыттар ҙа табылған. Һәр ҡәбилә эсемлекте үҙ рецебы буйынса әҙерләгән, уны ҡаты сер итеп һаҡлағандар. Ҡымыҙ тураһында мәғлүмәт боронғо грек тарихсыһы Геродот яҙмаларында ла осрай, ул унда скифтарҙың көнкүреше, яратҡан эсемлектәре тураһында ентекле һүрәтләгән. Геродот яҙыуынса, скифтар ҡымыҙ яһау серенең таралыуынан ныҡ ҡурҡҡан, хатта уны белгән ҡолдарҙы күҙҙәренән яҙҙырғандар. Хәҙерге заманда ҡымыҙҙы Ҡазаҡстанда, Монголияла, Ҡырғыҙстанда, РФ-тың башҡа төбәктәрендә - Ростов, Тверь, Ярославль өлкәләрендә, Мари Илендә, Алтай, Яҡутстанда киң ҡулланалар. Шифалы эсемлекте әҙерләү буйынса беҙҙең республика алдынғылыҡты берәүгә лә бирмәй. Барлыҡ Рәсәй ҡымыҙының 63 проценты Башҡортостанда етештерелә. Был ялдарҙа – 11-13 августа - Граф күле буйында үтәсәк “Башҡорт аты” башҡорт тоҡомло халыҡ-ара фестивалендә теләгән һәр кем төрлө ысул менән әҙерләнгән ҡымыҙҙан ауыҙ итә ала. Фото: rcntrb.com