Йәштәр, һеҙҙең өсөн!

22-25 августа Башҡортостандың Бөрйән районында Волга буйы федераль округының IV «Йәштәр йыйыны - 2023» йәштәр гражданлыҡ форумы үтәсәк. Форум палаткалы лагерь форматында ойошторола. Сарала Башҡортостан һәм Волга буйы федераль округы төбәктәре йәштәре, Мәскәүҙә, Санкт-Петербургта һәм Ҡазанда уҡыған яҡташтарыбыҙ, шулай уҡ йәштәр сәйәсәте органдары һәм учреждениелары вәкилдәре ҡатнаша. - Республика йәштәре йыл һайын Бөтә Рәсәй форум кампанияһында ҡатнаша. Һүҙ «iВолга», «Мәғәнәләр биләмәһе», «ШУМ», «Таврида» кеүек утыҙлаған бөтә Рәсәй һәм округ саралары хаҡында бара. Бер нисә йыл элек Башҡортостанда ҙур йәштәр форумы майҙансығын ойоштороу өҫтөндә эшләй башланыҡ. Республика йәштәрен, ситтә йәшәүсе яҡташтарыбыҙҙы, Рәсәй төбәктәре егеттәрен һәм ҡыҙҙарын бер нөктәлә йәлеп итеү тураһында ниәт ҡуйҙыҡ. Шулай итеп «Йәштәр йыйыны» барлыҡҡа килде. Башҡорт теленән «йыйын» һүҙе осрашыу мәғәнәһендә тәржемә ителә. Форумдың исемен һәм идеологияһын формалаштырған саҡта, башҡорт колоритына, йәштәр мөхитендә һаҡлау һәм үҫтереү мөһим булған үҙенсәлекле йолаларға һәм ғөрөф-ғәҙәттәргә таяндыҡ. Форум дүртенсе тапҡыр үткәрелә, быйыл тәүге тапҡыр йәштәр сәйәсәте органдары һәм учреждениелары белгестәре өсөн тематик смена планлаштырғанбыҙ. Бер майҙанда йәштәр ҙә, йәштәр тармағы белгестәре лә дөйөм мәсьәләләр өҫтөндә эшләйәсәк. Трендтар һәм мөнәсәбәттәр ярайһы уҡ үҙгәргән заман килде һәм бөгөн, улар бер-береһен ишетһен өсөн, йәштәр сәйәсәте вәкилдәре араһында һөҙөмтәле диалог булдырыу мөһим. Йәштәр өсөн был форум - һәләттәрен үҫтереү, тәжрибә туплау ғына түгел, шулай уҡ үҙ проекттары өсөн финанс ярҙам алыу мөмкинлеге лә, - тип билдәләне Башҡортостандың Йәштәр сәйәсәте буйынса дәүләт комитеты рәйесе Яна Гайдук. Форум төрлө йүнәлештәр буйынса эшләйәсәк. Улар араһында: «Мәктәп үҙидараһы» — "Беренселәр хәрәкәте"нең Башҡортостан Республикаһындағы бүлексәһе вәкилдәре өсөн «Студент үҙидараһы. Юғары уҡыу йорттары» — студенттарҙың үҙидараһын үҫтереү өсөн яуаплы кешеләр, студенттарҙың үҙидара органдары вәкилдәре өсөн «Студент үҙидараһы. Урта һөнәри белем биреү» — студенттарҙың үҙидара органдары вәкилдәре, студент ойошмалары лидерҙары өсөн «Медиатрендтар» — медиасфера вәкилдәре, студенттар медиаһы һәм йәштәр ойошмалары өсөн «Ауыл йәштәре» — агросәнәғәт комплексының йәш вәкилдәре, ауыл йәштәре өсөн «Йәштәр сәйәсәте кадрҙары» — йәштәр сәйәсәте органдары һәм учреждениелары етәкселәре һәм белгестәре, йәштәр ойошмалары лидерҙары өсөн Студенттарҙың беренсе республика туристик слеты — студенттарҙың туристик берләшмәләре вәкилдәре өсөн. Эшләүсе йәштәрҙең «Бейеклектә» республика ижади фестивале — эшләүсе йәштәр, ижади йәштәр вәкилдәре, Башҡортостан Профсоюздар федерацияһы һәм Өфө Эшсе йәштәр советы ағзалары өсөн. «Атайсал» — Мәскәүҙә, Санкт-Петербургта, Һамар, Һарытау, Ырымбур, Ҡурған, Силәбе өлкәләрендә, Пермь крайында, Удмуртия Республикаһында, Татарстан Республикаһында уҡыған, Башҡортостан Республикаһынан сыҡҡан йәштәрҙең яҡташтар активистары өсөн. Шулай уҡ Йәштәр йыйыны сиктәрендә Йәштәр эштәре буйынса федераль агентлыҡтың йәштәрҙең башланғыстарына грант ярҙамы күрһәтеү нигеҙендә Бөтә Рәсәй йәштәр проекттары конкурсы, «ОбъективНО» йәштәр ҡыҫҡа метражлы киноһы фестивале һәм «Этника» йәш дизайнерҙар конкурсы үтәсәк. Ҡатнашырға теләүселәр өсөн теркәү түбәндәге һылтанма буйынса: https://forms.yandex.ru/u/649e578584227c2abd9f0636 Ул 11 авгусҡа тиклем бара. Фото: Башҡортостандың Йәштәр сәйәсәте буйынса дәүләт комитеты.