Республика һайлауҙарының конкурентлылығы тураһында һөйләштеләр

Йәмәғәтселек штабы эксперттары Башҡортостандағы һайлауҙарҙың конкурентлылығын баһаланы. 17 августа Йәмәғәт мәғариф үҙәгендә 2023 йылда һайлауҙарға күҙәтеү буйынса йәмәғәтселек штабының сираттағы ултырышы булды. Август башында Демократия проблемаларын өйрәнеү фонды 2023 йылда һайлауҙарҙа конкуренция тураһындағы докладты тәҡдим итте. Унда Рәсәйҙәге һайлау дөйөм тенденциялары һәм төбәктәрҙәге хәлгә анализ бар. - Башҡортостан Республикаһы - һайлауҙа ҡатнашҡан партиялар һаны буйынса лидерҙар иҫәбендә. 2023 йылдың һайлау циклында ете партия тәҡдим ителәсәк. Биш партия исемлектәрен теркәне: “Берҙәм Рәсәй”, ЛДПР, КПРФ, “Яңы кешеләр” һәм “Ғәҙел Рәсәй – дөрөҫлөк өсөн”. Тағы ике партияны бер мандатлылар тәҡдим итәсәк: “Йәшелдәр” Рәсәй экологик партияһы һәм “Тыуған ил” (“Родина”) партияһы, - тип һөйләне Башҡортостан Йәмәғәт палатаһы рәйесе урынбаҫары Лида Иҫәргәкова. Йәмәғәтселек штабы эксперты Александр Кобыскан Башҡортостанда һайлауҙа конкуренция бар, тип иҫәпләй һәм ул һиҙелерлек ҙур ғына. - Республиканың Дәүләт Йыйылышына һайлауға барлығы 859 кандидат теркәлде, уларҙың 625-е – партия исемлеге буйынса, 234-е – бер мандатлы һайлау округтары буйынса. Кандидаттарҙың дөйөм һанын алһаҡ, конкурста бер урынға 7,8 кеше дәғүә итә. Бер мандатлы округ буйынса – урынға - 4,25 кеше. Һайлауҙа урындағы үҙидараның вәкиллек органдарына 14 161 кандидат ҡатнаша. Урындағы үҙидара органдарындағы урынға конкурс уртаса 2,02 тәшкил итә, - тип белдерҙе эксперт. Халыҡ фронтының төбәк башҡарма комитеты етәксеһе Виталий Барыкин докладтың илдәге ысынбарлыҡты күрһәтеүе хаҡында әйтте. Йәмәғәт штабы лекторы, М. Аҡмулла исемендәге Башҡорт дәүләт педагогия университетының "Үҫеш векторы" яраштырыу технологиялары һәм йәмәғәтселектең үҙ-ара мөнәсәбәте үҙәге етәксеһе Максим Беляев агитация ваҡытында аңлатыу эшен мөһим мәсьәлә тип иҫәпләй. Башҡортостан йәмәғәт палатаһы ағзаһы, Рәсәй йәш ғалимдар союзының урындағы бүлексәһе рәйесе Алексей Елизарьев докладты эксперт булараҡ түгел, граждан булараҡ өйрәнеүе хаҡында әйтте. Башҡортостан Башлығы ҡарамағындағы Башҡортостан дәүләт хеҙмәте һәм идара итеү академияһы профессоры Сергей Лаврентьев һәм республиканың Йәмәғәт палатаһы ағзаһы Рита Некрасова илһөйәрлек тойғоһоноң үҫешеүен билдәләй. Доклад тексын Демократия проблемаларын тикшереү фонды сайтында ҡарарға мөмкин: https://clck.ru/35K4JQ 10 июлдән Йәмәғәт штабының һайлауға күҙәтеү буйынса лекторҙары 13 000-дән ашыу күҙәтеүсене әҙерләгән. Фото, сығанаҡ: Башҡортостандың Йәмәғәт палатаһы матбуғат хеҙмәте.