Әгәр ҙә бәүелгә анализда тоҙ барлығы асыҡланһа, бил тирәләре ауыртып йонсотһа, бөйөрҙәрҙе даими таҙартып алыу фарыз, ти табип-онкоглог Гөлнур Нигманова. Бының өсөн үҙенең сәхифәһендә ябай ғына, әммә һөҙөмтәле рецепт менән бүлешкән ул. Магазиндарҙа һатылған 1 килограмм компот йыйылмаһын (сухофрукты) алдан ебетеп ҡуябыҙ. Артабан өс литр һыу һалып өҫтөн ҡаплап кәстрүлдә ҡайнатабыҙ. Шуныһы мөһим: шәкәр-фәлән ҡушырға ярамай! Ошо тәмле генә компотты көнө буйы эсәбеҙ, ә емештәрен ашайбыҙ. Был көндө башҡа аҙыҡтан тыйылып тороу кәрәк. Һөҙөмтәлә бөйөрҙәр ҙә таҙара, эсәктәр ҙә ял итә. Был рецепт бөтәһенә лә килешә, кире йоғонтоһо юҡ, ти табип. Фото pixabay.com