"Ашығыс экспорт ярҙамы" эшсе төркөмө “Халыҡ-ара кооперация һәм экспорт” милли проекты сиктәрендә Башҡортостан Республикаһы Кушнаренко районының өс предприятиеһында булды. Был турала Республиканың Тышҡы иҡтисади бәйләнештәр һәм конгресс эшмәкәрлеге министрлығы хәбәр итә. "Республиканың тышҡы иҡтисади ведомстволары, шулай уҡ район хакимиәте вәкилдәре өс предприятиеға барҙы. Белгестәребеҙ етештереү майҙансыҡтарын ҡараны, хәҙер иһә беҙгә урындағы эшҡыуарҙарҙың продукцияһын сит ил баҙарына сығарыу мәсьәләләрен хәл итергә кәрәк. Бының өсөн беҙ уларҙың тауарҙарын күргәҙмәләргә сығарырға һәм сит ил контрагенттарын эҙләргә ниәтләйбеҙ”, – тип билдәләне Республиканың тышҡы иҡтисади бәйләнештәр һәм конгресс эшмәкәрлеге министры Маргарита Болычева. Эшсе төркөм тәүҙә "Гудвилл Групп" предприятиеһында булды. Ойошма биналарҙы матурлау өсөн быяла-магнезит ҡалайҙар һәм панелдәр етештерә. ”СР – профиль” предприятиеһы металл конструкция эшләй һәм монтажлай, ә ”Кушнаренко перәниктәре” сохарый, печенье, мармелад һәм перәниктәр етештереү менән мәшғүл. Осрашыу барышында эксперттар эшҡыуарҙарға төбәк һәм федераль ярҙам саралары тураһында һөйләне, шулай уҡ һорауҙарға яуап бирҙе. Ойошма вәкилдәре Башҡортостандың экспортҡа булышлыҡ итеү үҙәге хеҙмәттәре, шул иҫәптән сит ил күргәҙмә-йәрминкә сараларында ҡатнашыу, сит ил һатып алыусыһын эҙләү, логистик сығымдарҙы ҡаплауға һәм сертификатлауға субсидиялар тураһында ҡыҙыҡһыныуҙары хаҡында һөйләне. "Ашығыс экспорт ярҙамы" белгестәренән консультация алырға йә уларҙың килеүенә ғариза ҡалдырыр өсөн exportcenter@bashkortostan.ru электрон почтаһына яҙырға, шулай уҡ 7-347-246-89-28, 7-917-423-22-93 һандары буйынса шылтыратырға мөмкин. Хатта ойошма тураһында ҡыҫҡаса мәғлүмәт бирергә һәм бәйләнеш өсөн контакт ҡалдырырға кәрәк. “Халыҡ-ара кооперация һәм экспорт” милли проекты яңы иҡтисади бәйләнештәр булдырыуға һәм Рәсәй тауарҙары экспортын үҫтереүгә йүнәлтелгән. Билдәле булыуынса, "Халыҡ-ара кооперация һәм экспорт" (национальный проект “Международная кооперация и экспорт”) милли проекты Рәсәй Президенты Владимир Путиндың май указы менән булдырылды. Фото: национальныепроекты.рф