Башҡортостан Хөкүмәтендәге Премьер-министр Андрей Назаров рәйеслегендәге кәңәшмәлә Граждандарға медицина ярҙамын бушлай күрһәтеү дәүләт гарантиялары программаһын тормошҡа ашырыу мәсьәләһен ҡаранылар. - Быйыл граждандар сәләмәтлеген һаҡлау һәм нығытыу буйынса иҫкәртеү сараларын үткәреүгә Мотлаҡ страховка фондынан 7 миллиард һум бүленде. Был, 2022 йыл менән сағыштырғанда, 40 процентҡа күберәк. 2 миллион тирәһе пациент тикшереләсәк. Был – Һаулыҡ һаҡлау министрлығы һәм медицина ойошмалары тарафынан ҙур көс талап иткән етди мәсьәлә, - тине Андрей Назаров. Иҫкәртеү сараларының төп маҡсаты – халыҡтың үлеменә төп сәбәп булған ҡан әйләнеше һәм яман шеш сирҙәрен асыҡлау. Өлкәндәрҙе диспансерлаштырыу - өс йылға бер, 40 йәштән һуң йыл һайын үткәрелә. Башҡортостандың һаулыҡ һаҡлау министры Айрат Рәхмәтуллин иҫкәртеү медицина тикшеренеүе һәм диспансерлаштырыу үткәреү тураһында һөйләне. Йыл башынан 1,2 миллион кеше үткән. Алынған һөҙөмтәләргә ҡарағанда, 25 212 пациентта – ҡан әйләнеше системаһы, 14 119 кешелә – ашҡаҙан, 3 778 кешелә тын алыу, 598 кешелә – яман шеш, 2 310-дә яман шеш табылған. 117 меңдән ашыу кеше диспансерлаштырыуға ҡуйылған. 648 кеше – медицина ярҙамын алыу, тағы 64 154-е өҫтәмә тикшереүгә ебәрелгән. Фото, сығанаҡ: pravitelstvorb.ru/news/21488/