Башҡортостанда Һайлауҙы күҙәтеү буйынса йәмәғәт штабының сираттағы ултырышы уҙҙы. Йәмәғәт штабы ағзалары һәм эксперттары 2023 йылдың 10 сентябрендә һайлауҙа ҡатнашыусы партияларҙың һайлау кампанияларын һәм һайлау алды программаларын анализланы, күҙәтеүселәр әҙерләүҙе тикшерҙе. - Республикалағы хәлдәрҙе иғтибар менән күҙәтәбеҙ, һайлау кампанияларын әҙерләү тураһында даими мәғлүмәт алабыҙ, - тип билдәләне «Независимая общественная мониторинг» коммерцияға ҡарамаған ойошмалар ассоциацияһы рәйесе Александр Брод. Ул онлайн-форматта ултырышта ҡатнашты. Һәм, әлбиттә, был процестар иң элек һайлауҙарҙы ойоштороусылар - һайлау комиссияларының етди ҡатнашыуын талап итәсәк. Бөтәһе 3 273 участка һайлау комиссияһы, 69 территориаль һайлау комиссияһы йәлеп ителә. Башҡортостан Республикаһында һайлауҙар һәр ваҡыт конкурентлы, йылдам үтә. Шуға күрә йәмәғәт күҙәтеүселәренә фейктарға юл ҡуймау, ҡағиҙә боҙоуҙарға юл ҡуймау буйынса ҙур эш тора. Ассоциация рәйесе төбәктәрҙең Йәмәғәт штабтары биргән мәғлүмәт базаһында һайлауҙарҙың көнәркәшлек кимәле, һайлау процесына мәғлүмәти йоғонто яһау тураһында докладтар әҙерләнәсәген иҫкә төшөрҙө. Штаб етәксеһе, Башҡортостандың Йәмәғәт палатаһы рәйесе урынбаҫары Лида Иҫәргәкова йәмәғәт күҙәтеүселәрен әҙерләү тураһында һөйләне. "Мәҫәлән, быйыл 10 июлдән 12 авгусҡа тиклем Йәмәғәт штабы лекторҙары Башҡортостан муниципалитеттарында күсмә уҡыу семинарҙары ойоштора. Шул иҫәптән, уҡытыу Өфөнөң ете районында үтәсәк. Программаны бөтәһе 6 546 кеше тапшыра. Һәр участка һайлау комиссияһында икешәр күҙәтеүсе эшләйәсәк. Эш 69 майҙансыҡта планлаштырылғайны, уларҙың 60-ында уҡыуҙы тамамланыҡ. Муниципалитеттарҙа бының өсөн эшләгән коллегаларыбыҙ булдырған шарттар ҡыуандыра. Һайлау процесы мөмкин тиклем асыҡ булһын өсөн беҙ мәғлүмәти оҙатыуҙы көсәйтәсәкбеҙ, 31 июлдән 4 авгусҡа тиклем онлайн-форматта күҙәтеүсе-блогерҙарҙы уҡыталар", - тине ул. Йәмәғәт штабы участка һайлау комиссияһына мәғлүмәт тапшырғанға тиклем кандидаттарҙы теркәү мониторингын һәм һайлаусылар менән бәйләнеш кимәлен дауам итә. 10 августан Башҡортостан Республикаһының Йәмәғәт палатаһы сайтында алдағы һайлауҙар тураһында аноним һорау алыу башлана. Фото: "Башинформ".