Берләшкән Ғәрәп Әмирлектәренең Ғәрәп сабыш аттары йәмғиәте ассоциацияһы етәксеһе Мохаммед Аль Харби Өфөлә үткәрелгән “Терра Башҡортостан” ат спорты турнирының дүртенсе этабында ҡатнашты. Был хаҡта баш ҡаланың Октябрь районы хакимиәтенең матбуғат хеҙмәте хәбәр итте. Сит ил ҡунағын ҡабатланмаҫ шоу программаһы, трибуналарҙың көйәрмәндәр менән тулы булыуы таң ҡалдырған. Өҫтәүенә, сабыш аттары ла шәп беҙҙең! “Аҡбуҙат” ипподромында үткәрелгән ат спорты турниры, ғәҙәттә, бай мәҙәни саралар менән үрелеп бара. Был юлы АҠШ-тың Сан-Франциско ҡалаһынан Джеймс Атлас һәм башҡорт, татар эстрадаһы йырсыһы Зилиә Бәхтиева ҡатнашҡан. Дүртенсе йыл үткәрелгән был ат спорты турниры Башҡортостан Башлығы бүләктәренә үткәрелә. Ә турнирҙың дөйөм приз фонды 10 миллион һум тәшкил итә. Фото: Өфө ҡалаһы Октябрь районы хакимиәтенең матбуғат хеҙмәте.