Был саралар “Хәүефһеҙ сифатлы юлдар” милли проекты (национальный проект “Безопасные качественные дороги” ) сиктәрендә башҡарылды, тип хәбәр итә Башҡортостандың Транспорт һәм юл хужалығы министрлығы. Хоҙайбирҙин урамындағы юл участкаһы - Тыныслыҡ урамынан Карл Маркс урамына тиклем һәм Элеватор урамында – Техник урамынан Профсоюз урамына тиклемге өлөш төҙөкләндерелде. Бөгөнгә “Хәүефһеҙ сифатлы юлдар” милли проекты буйынса биш участкала ремонт, тағы ла берәүҙә әҙерлек эштәре алып барыла. Подрядсылар Профсоюз, Техник, Водолаженко, Көнбайыш һәм башҡа урамдарҙа эште дауам итә. Хәтерегеҙгә төшөрәбеҙ, быйыл Стәрлетамаҡта барлығы 39 юл участкалары ремонтланасаҡ, уның дөйөм оҙонлоғо 17 километр тәшкил итә. Уларҙың һигеҙ объекты “Хәүефһеҙ сифатлы юлдар” милли проекты буйынса яңыртыла. Был саралар Рәсәй Президенты Владимир Путиндың май указдарын тормошҡа ашырырға булышлыҡ итә. Фото: bash.news