Ҡыйғы районында Рәсәй Президенты Владимир Путиндың май указы менән раҫланған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү” милли проекты буйынса (национальный проект “Малое и среднее предпринимательство и поддержка индивидуальной предпринимательской инициативы”) маҡсатлы эш алып барыла. Райондың бизнес шәрифе Рим Фассалов белдереүенсә, Ҡыйғы районынан Альбина Хәкимйәнова дәүләт ярҙамы менән матурлыҡ индустрияһында үҙ эшен асырға була. Быға уңған ханымдың белеме һәм эш тәжрибәһе лә булышлыҡ итә. Үҙ проекты менән ул Ҡыйғы районы хакимиәтендә «Эшҡыуарлыҡ сәғәте»ндә уңышлы таныштыра. Фекер алышыу барышында адреслы социаль ярҙам алыуға документтар тапшырырға тәҡдим ителә. Кәрәкле документтар йыйғандан һәм бизнес-планын уңышлы яҡлаған эшҡыуар косметология хеҙмәттәрен күрһәтеүгә социаль контракт төҙөнө. Дәүләт ярҙамына матурлыҡ салоны өсөн материалдар һатып алынған. Бөгөн салондың даими клиенттары һәм эше тураһында ыңғай фекерҙәр генә бар. Был сараларҙың барыһы ла Рәсәй Президенты Владимир Путиндың май указына ярашлы булдырылған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" (национальный проект "Малое и среднее предпринимательство и поддержка индивидуальной предпринимательской инициативы") милли проектына ярашлы атҡарыла. Фото: Радий Хәбировтың бизнес менән аралашыу төркөмө.