2023 йылдың 31 авгусына тиклем мәҙәниәт, сәнғәт һәм креатив индустрия өлкәһендә 2024 йылдың тәүге грант конкурсына ғаризалар ҡабул ителә. Конкурсты илдең барлыҡ ижади кешеләренә һәр яҡлап ярҙам итеү өсөн махсус рәүештә ойошторолған Мәҙәни башланғыстар буйынса Президент фонды үткәрә.Конкурста ҡатнашыр өсөн: - дәүләт учреждениелары, дәүләт корпорациялары, дәүләт компаниялары һәм сәйәси партияларҙан тыш, коммерцияға ҡарамаған ойошмалар;- коммерция ойошмалары;- шәхси эшҡыуарҙар;- муниципаль ҡаҙна учреждениеларынан тыш, муниципаль учреждениелар һәм предприятиелар саҡырыла.Конкурсҡа түбәндәге проекттарҙы күрһәтергә мөмкин:- мәҙәниәт һәм академик (классик) сәнғәт өлкәһендәге;- тармаҡ-ара, мәҙәниәт һәм кросс-мәҙәни проекттар;- мәҙәниәт, сәнғәт һәм креатив индустрия, шул иҫәптән һанлы технологиялар өлкәһендә белем биреү һәм күргәҙмә проекттары;- мәҙәниәт, сәнғәт һәм креатив индустрия өлкәһендә йәш һәләттәрҙе асыҡлау һәм уларға ярҙам итеү буйынса проекттар;- үҙенсәлекле индустрия проекттары, шул иҫәптән әҙәбиәт һәм нәшриәт эше, дизайн, мода, арт, музыка һәм саунд-дизайн, архитектура һәм урбанистика, яңы медиа, мультимедиа технологиялары, кино, театр, уйындар, креатив индустрия инфраструктураһын булдырыу һәм үҫтереү өлкәһендәге;- мәҙәниәт, сәнғәт һәм креатив индустрия өлкәһендә фестивалдәр, премиялар, форумдар үткәреүҙе күҙ уңында тотҡан проекттар;- мәҙәниәт, сәнғәт һәм креатив индустрия өлкәһендәге стартаптар;- заманса популяр мәҙәниәт өлкәһендәге проекттар.Ғариза биреү һәм ҡатнашыусыларға булған бөтә талаптар менән ошонда танышырға була: https://vk.cc/c3bYgLТөп ҡағиҙәләр - күрһәтелгән вебинарҙа: https://vk.cc/cpJPbbҒариза биреүселәр һәм еңеүселәр өсөн өйрәтеүсе программалар: https://vk.cc/ccOpFqҒаризаны дөрөҫ тултырырға ярҙам итерлек видеокурстар: https://vk.cc/cpGNdGКонкурс тураһында яңылыҡтар: https://vk.cc/cpJOB3 Сығанаҡ: "Аңлатабыҙ. Башҡортостан" төркөмө.