Өфөлә барған йәйге сурдлимпия уйындарында баскетбол буйынса ярыштарҙа Рәсәй командаһы Үзбәкстан спортсыларын еңде. Белоруссия баскетболсылары Иордания командаһын 110:50 иҫәбе менән “ҡыйратты”. Рәсәй-1 илебеҙҙең тағы бер Рәсәй-2 командаһын 105:35 иҫәбе менән еңде. Ә Санкт-Петербург командаһы Беларусь спортсыларынан 49:71 иҫәбе менән еңелде. Йөҙөүгә килгәндә, ирекле стиль, арҡала йөҙөү, баттерфляй, ирекле стилдә эстафета буйынса ун миҙал уйнатылды. Теннис буйынса ярыштар – Р. Зорге урамындағы 1-се теннис клубында, волейбол буйынса уйындар “Динамо”ла булды. Рәсәй-1 һәм Рәсәй-2, Ҡырғыҙстан һәм Белоруссия командалары ҡатнашты. Гандболда Рәсәй-1 һәм Рәсәй-2, Үзбәкстан, ир-егеттәр араһында Әрмәнстан менән Кения, Үзбәкстан Рәсәй менән осрашты. Матчтар "Астра" спорт клубында уҙҙы (Ростов урамы, 16/1 ). Греко-рим көрәше буйынса һигеҙ миҙал “Башҡортостанда спорт көрәше” спорт мәктәбендә (Октябрь проспекты, 84/4). Урмансылр паркында иһә спорт ориентирлауы (классика) буйынса ике миҙал уйнатылды. Бында Рәсәй спортсыларына тиңдәр табылманы. Ошонса уҡ миҙалға “Биатлон” спорт комплексында шоссе велосипеды спорты буйынса алыштылар. Боулинг буйынса ла ярыштар “Мегаполис” сауҙа үҙәгендә үткәрелде. Еңел атлеттар ҙа диск ташлау, юғарыға һикереү, йүгереү буйынса беренселек өсөн алышты.