Өфөлә барған йәйге Сурдлимпия уйындарында Иордания йыйылма командаһы Белоруссия баскетболсылары менән осрашты. Уйын 50:110 иҫәбе менән тамамланды һәм Белоруссия файҙаһына булды. “Еңелдек, әммә һөҙөмтә менән барыбер риза ҡалдыҡ”, - тип белдерҙе Иордания йыылма командаһы ағзалары. Һөҙөмтә араһында ике тапҡыр айырма булһа ла, Иордания сурдлимпиясылары уйындан ҡәнәғәт ҡалды. “Күп тапҡыр күнекмәләр үткәрҙек, әммә еңелдек. Өфөгә донъяның көслө спортсылары килде. Әммә беҙ насар уйнаманыҡ тип иҫәпләйем, һөҙөмтәнән ризабыҙ”, - тип белдерҙе футболкаһы 8 һанлы булған Мөхәммәт Алнаимат һәм 23-сө һан аҫтында уйнаған Джамал Абдулла. Фото: Башҡортостандың Спорт министрлығы.