Башҡортостан Хөкүмәте Премьер-министры Андрей Назаров социаль селтәрҙәге сәхифәһендә ҡыҙыҡлы яҙма менән уртаҡлашты. “Һеҙҙең иғтибарға күңелгә илһам өҫтәгән тағы бер яҙма тәҡдим итәм. Ул республикабыҙҙа йәшәгән йәш кешенең наймды субсидиялау программаһы ярҙамында күңеленә ятҡан эш табыуы тураһында. Колледж тамамлағас, Артур Фәттәхов үҙаллы эш эҙләп ҡарай, һуңынан ул Дыуан районы буйынса мәшғүллек үҙәгенә мөрәжәғәт итә. Белгестәр Мәсәғүт ауылында урынлашҡан “Башҡорт легендалары” компанияһын тәҡдим итә. Артурҙы наймды субсидиялау программаһы буйынса эшкә алалар. “Башҡорт легендалары”ның етәксеһе Рөстәм Яҡупов мәшғүллек үҙәге менән бер нисә йыл рәттән хеҙмәттәшлек итә. Уңышлы эшҡыуар үҙ эшен асырға теләгәндәргә консультациялар уҙғара, профтурҙар ойоштора. Әлеге ваҡытта Артур фәнни балалар майҙансыҡтары булдырыу буйынса инновацияларға булышлыҡ иткән фонд бүлгән федераль грант иҫәбенә ҡыҙыҡлы проект өҫтөндә эшләй. “Бишенсе элемент” проектында (http://детинауки.рф) уның бурысы – ЧПУ станогында фрезерлау һәм миниатюралар эшләү. Артур әйтеүенсә, был эш уға үҙ идеяларыңды индереүгә һәм тормошҡа ашырыуға мөмкинлек биреүе менән оҡшай. Иҫегеҙгә төшөрәм: наймды субсидиялау программаһы түбәндәге категорияларға ҡараған граждандарҙы эшкә урынлаштырғанда сығымдарҙың бер өлөшөнә аҡсалата компенсация бүлеүҙән ғибәрәт: - 30 йәшкә тиклемге йәштәр; - эш урынын юғалтҡан йәки эштән китеү ҡурҡынысы янаған кешеләр; - МХО-ла ҡатнашыусылар һ.б. Субсидияның күләме хеҙмәт өсөн түләүҙең минималь күләменә (МРОТ) тиң һәм ул компанияға бер, өс һәм алты ай үткәндән һуң күсерелә. Әйткәндәй, беҙҙең республика кешеләрҙе әлеге программа буйынса эшкә урынлаштырыу йәһәтенән лидерҙар рәтендә килә: 500 эш биреүсе 2098 кешене хеҙмәт урыны менән тәьмин иткән. Уларҙың 99 проценты – 30 йәшкә тиклемге йәштәр. Слесарҙар, электромонтерҙар, һатыусылар, ашнаҡсылар, водителдәр, тегенселәр, тракторсылар, электр менән иретеп йәбештереүселәр, инженерҙар айырыуса ҙур һорау менән ҡуллана. Һылтанма ҡалдырам. Уның буйынса үтеп, программала ҡатнашыу өсөн ғариза ҡалдырырға мөмкин: https://trudvsem.ru/information-pages/support-program. Эш биреүселәр, ҡатнашығыҙ, был бик отошло!” – тип яҙҙы Андрей Назаров. Сығанаҡ һәм фото: vk.com/wall555400080_8166