Баянчы, бик күп халыкара бәйгеләр җиңүчесе, Кариев театры актеры Ильяс Шәрипов өйләнгән. Яшьләр никах видеосын социаль челтәрләргә куйды. Анда романтик Ильяс үзенең сөйгәне Гөлшәһидәгә Айдар Галимов репертуарыннан «Син – минем җанымның яртысы» җырын уйный.
«Мин сине гомерем буена
Ышыклап барырмын җилләрдән.
Өзелсә барасы юлларың –
Үрермен мин күпер гөлләрдән», – дип тә язган ул видео янына.
Сөйкемле парга дуслары берсеннән-берсе матур теләкләр калдыра. «Бик бәхетле булып яшәгез! Әти-әниең синең өчен үрнәк. Тәртипле гаиләдә балалар да тәрбияле, мәрхәмәтле булып үсә. Син – моның ачык мисалы. Үз гаиләң дә шундый булсын!»;
«Бәхетле, тигез тормыш телим! Хәерле сәгатьтә!» – дигәннәр.
- «Без хәзер өчәү булдык» – баянчы Ильяс Шәрипов сөйгәненә тәкъдим ясаган