Һаҡлыҡ банкы “Аҡыллы ҡала – аҡыллы ил” форумында ҡатнаша

Банк эксперттары «Элемтә, коммуникациялар, һанлы иҡтисад» йүнәлешендә Рәсәй Дәүләт советы комиссияһы эшсе төркөмөнөң асыҡ ултырышында, «МКД менеджменты өлкәһендә һанлаштырыу», «Хәүефһеҙ ҡала», «Һаулыҡ һаҡлауҙы һанлы үҙгәртеп ҡороу» стратегик сессияларында һәм «Инфраструктураны булдырыуҙа һәм үҫтереүҙә аҡыллы ҡарарҙар» панель ултырышында ҡатнашасаҡ. «Аҡыллы ҡала — аҡыллы ил» халыҡ-ара форумы бөгөн белгестәр өсөн аралашыу майҙансығы булып тора, унда, ғәҙәттәгесә, донъя-ара хеҙмәттәшлек һәм иң яҡшы тәжрибәләр менән алмашыу мәлендә проблемаларҙы хәл итеүҙә яңы башланғыстар һәм алымдар тыуа. Форумдың стратегик маҡсаты — бизнес һәм эре дәүләт көйләүселәре, клиенттар араһында туранан-тура бәйләнеш аша алға китеш маҡсаттарын һәм уларға өлгәшеү юлдарын билдәләү. Рәсәй Һаҡлыҡ банкының һанлаштырыу буйынса ҡарарҙары, банк эшенән тыш, хәҙер күп тармаҡтарҙа — туризмдан алып медицинаға тиклем — ҡулланыла. Рәсәй Һаҡлыҡ банкының Башҡортостан бүлексәһе менеджеры Азамат Сәлихов былай тип билдәләй: «Беҙҙә һанлы үҙгәрештәр тәжрибәһе, уңышлы эштәрҙең һәм проекттарҙың ҙур йыйылмаһы бар, был Рәсәй Һаҡлыҡ банкының илебеҙ төбәктәрен һанлаштырыуға ҙур өлөш индерергә мөмкинлек бирә. Власть органдары менән тығыҙ хеҙмәттәшлек итәбеҙ, муниципалитеттарҙың ихтыяжына иғтибарҙы йүнәлтәбеҙ һәм айырым ҡарарҙар тәҡдим итәбеҙ. «Аҡыллы ҡала» форумында беҙҙең спикерҙар Рәсәй Һаҡлыҡ банкының ҡалаларҙы артабан үҙгәртеп ҡороу һәм үҫтереү өсөн тағы ниндәй продукция һәм хеҙмәттәр тәҡдим итә алыуы тураһында һөйләйәсәк». Һүҙ биометрия, дистанцион күҙәтеү, һанлаштырыу һ.б. ярҙамында туризм кластерын үҫтереү кеүек ҡарарҙар тураһында бара. Белешмә: Рәсәй Һаҡлыҡ банкы — Рәсәйҙең иң эре банктарының һәм донъяның алдынғы финанс ойошмаларының береһе. Бөтә Рәсәй банк секторы активтарының яҡынса өстән бер өлөшөн Рәсәй Һаҡлыҡ банкы тәшкил итә. Рәсәй Һаҡлыҡ банкы халыҡ хужалығының төп кредиторы булып тора һәм вкладтар баҙарында иң эре акцияларҙың береһен тота. Рәсәй Һаҡлыҡ банкының төп акционеры — Рәсәй Федерацияһы, Рәсәй Федерацияһының Финанс министрлығы, ул Рәсәй Һаҡлыҡ банкының вәкәләтле капиталының 50 процентына һәм 1 тауыш биреү өлөшөнә эйә. Ҡалған 50 % минус 1 тауыш биреү өлөшө Рәсәй һәм халыҡ-ара инвесторҙар милкендә. Смарт-ҡала форумы һәм теркәлеү тураһында тулы мәғлүмәт менән сараның рәсми порталында танышырға мөмкин: http://forumsmartcity.ru/ufa