Өфөнөң 21-се ҡала клиник дауаханаһына яңы компьютерҙар ҡуйылған

Башҡортостан дауаханаларын компьютер техникаһы менән йыһазландырыу буйынса эш дауам итә. Шулай итеп, 21-се Өфө ҡала клиник дауаханаһына 40 яңы компьютер ҡуйылған. Заманса техника автоматлаштырылған эшсе урындарын алмаштыра. Компьютерҙарҙы яңыртыу «Һаулыҡ һаҡлау» милли проекты сиктәрендә «Берҙәм дәүләт һаулыҡ һаҡлау мәғлүмәт системаһы нигеҙендә һаулыҡ һаҡлауҙа берҙәм һанлы схема булдырыу» программаһы ярҙамында тормошҡа ашырыла. Автоматлаштырылған эш урыны медицина хеҙмәткәрҙәренә, шул иҫәптән тар белгестәргә яҙылырға, электрон иҫәп алып барырға, йүнәлтмәләр бирергә, ташламалы рецептар бирергә, ҡаланың һәм райондарҙың башҡа медицина учреждениелары белгестәре менән телемедицина консультациялары үткәрергә мөмкинлек бирә. — Яңы эшсе көстәр беҙҙең дауахана табиптары һәм шәфҡәт туташтары өсөн иҫкергән компьютерҙарҙы алмаштырасаҡ. Яңы ҡорамалдар компактлы, шулай уҡ республика медицина мәғлүмәт системаһында эшләү талаптарына яуап бирә, — тине 21-се Өфө ҡала клиник дауаханаһының баш табибы Ринат Нагаев. Рәсәй Президенты Владимир Путиндың “май“ указдарына ярашлы, 2024 йылға ил үҫешенең төп маҡсаттарына өлгәшергә кәрәк. Шуларҙың араһында халыҡ һанын арттырыу, граждандарҙың тормош сифатын яҡшыртыу, иҡтисадҡа һәм социаль өлкәгә һанлы технологияларҙы индереү мөһим бурыстарҙың береһе булып тора. ”Һаулыҡ һаҡлау” милли проектының (национальный проект “Здравоохранение) төп маҡсаты – хеҙмәткә һәләтле йәштәге халыҡтың үлем күрһәткестәрен, ҡан әйләнеше сирҙәренән, ямаш шештәрҙән үлем осраҡтарын кәметеү, инновацион медицина технологияларын индереү, шул иҫәптән пациенттар сәләмәтлеген иртә диагностикалау һәм дистанциянан тороп мониторинг үткәреү алымдарын ҡулланыу. Фото: kartinki.pibig.info