“Инвестиция сәғәте”нә “ТехТранс” компанияһын саҡырылды

21 июлдә Көйөргәҙе районына эш сәфәре барышында Башҡортостан Башлығы Радий Хәбиров Ермолаевка ауылында “ТехТранс” предприятиеһында булды. Унда металл цистерналар, нефть йылытыу өсөн мейестәр һәм ҡаты коммуналь ҡалдыҡтар өсөн төрлө типтағы контейнерҙар эшләйҙәр. Радий Хәбиров продукция өлгөләре менән танышты һәм завод етәкселеге менән артабанғы үҫеш пландарын тикшерҙе. “ТехТранс” яуаплылығы сикләнгән йәмғиәте директоры Игорь Ступин хәбәр итеүенсә, предприятиела 25 кеше эшләй. 2022 йылдың мартынан импортты алмаштырыу сиктәрендә сәғәтенә 80 тонна ҡатнашма етештереү ҡеүәтенә эйә булған мобиль асфальт-бетон заводтары етештереү буйынса яңы линия эшләй башлай. Проектҡа 25 миллион һумдан ашыу инвестиция һалынған һәм тулы цикллы етештереү ойошторолған. Әҙер продукцияны илдең 13 төбәгенә оҙаталар. Асфальт-бетон заводтары федераль трассалар төҙөлөшөндә киң ҡулланыла. «ТехТранс» предприятиеһы инженерҙары билдәләүенсә, уларҙың продукцияһы сифаты буйынса сит ил аналогтарынан ҡалышмай. Предприятие етәкселеге заводтың етештереү күләмен йылына 10 ҡоролмаға тиклем арттырыу мөмкинлеген ҡарай. Бының өсөн станок паркын яңыртырға кәрәк. Шулай уҡ коллектив газ автозаправкалау станцияларын (АГНКС) йыя. Уларҙың береһе Күмертауға ингән ерҙә эшләй. Уның ҡеүәте - сәғәтенә мең кубометр метан. Өфө-Ырымбур юлында тағы ла бер АГНКС асыу планлаштырыла. Республика Башлығы предприятиеға ярҙам сараларын тикшереү өсөн “ТехТранс” яуаплылығы сикләнгән йәмғиәте вәкилдәрен “Инвестиция сәғәте”нә саҡырҙы. – Етештереүҙе үҫтереү өсөн ер участкаһы һайларға кәрәк. “Инвестиция сәғәте”ндә был мәсьәләне тиҙ арала хәл итергә тырышасаҡбыҙ. Башҡа дәртләндереү сараларын да тикшерәсәкбеҙ, - тине Радий Хәбиров журналистар менән әңгәмәлә. Сығанаҡ: glavarb.ru