Бөгөн Көйөргәҙе районына эш сәфәре барышында Башҡортостан Башлығы Радий Хәбиров Шотт паркында булды. Уны “Торлаҡ һәм ҡала мөхите” милли проектының “Уңайлы ҡала мөхитен булдырыу” федераль программаһы буйынса төҙөкләндерәләр. Муниципалитет хакимиәте башлығы Юлай Ильясов һөйләүенсә, паркка 1850-1860 йылдарҙа урындағы алпауыт Ипполит Шотт нигеҙ һалған. 10,2 гектар майҙанда ҡарағас, ҡарағай, йүкә, муйыл, уҫаҡ, ҡайын, ирга, сирень, гөлйемеш, энәлек үҫә. Ә 1988 йылда парк Рәсәйҙең Ҡыҙыл китабына индерелә, ул “Тәбиғәт ҡомартҡыһы” исемен йөрөтә. Йәмәғәт биләмәһен тәртипкә килтереү 2021 йылда башлана. Бында үҙәк үткәүелгә асфальт түшәлгән, йәйәүлеләр һәм велосипед юлдары һалынған, инеү урындары һәм ҡойманың бер өлөшө яңыртылған. Шулай уҡ сүп-сар һауыттары менән эскәмйәләр ҡуйыла, парк яҡтыртҡыстары һәм видеокүҙәтеү системаһы монтажлана. 2022 йылда парк территорияһында күлдең яр буйы төҙөкләндерелә. Яр буйлап терраса таҡтаһынан тротуар һалалар, ә төшөү юлын бордюрлы плитәнән эшләйҙәр. Шулай уҡ ҡы