Вьетнамдағы насар ишеткән егеттәр өсөн футбол командаһы “Беҙ бергә. Спорт” йәйге сурдлимпиада уйындарында Рәсәйҙең спорт министрлығы саҡырыуы буйынса ҡатнаша. Йәмғеһе был илдән төрлө ярыштарға өс команда: футбол, бадминтон, боулинг спорт төрҙәре буйынса ярышырға йәмғеһе 27 кеше киләсәк. Көньяҡ-Көнсығыш Азиянан Таиланд, Вьетнам, Камбоджа илдәре сарала ҡатнашыуын белдергән. Вьетнам еңеүгә ҙур өмөт бағлай: бының өсөн командаға бөтә шарттар булдырылған. Футболсылар махсус шөғөлләнеү үҙәгендә оҫталығын арттырған. Команданың тренеры Доан Мин Боун әҙерлекте юғары баһалай. Көньяҡ-Көнсығыш Азияла һаңғырау егеттәр өсөн махсус футбол командалары араһында футбол ярыштары 2016 йылдан үткәрелә. Тәүгеһе Малазияның Куала-Лумпуре ҡалаһында үтә. Белешмә: “Беҙ бергә. Спорт” йәйге сурдлимпиада уйындары Өфөлә 23 июлдән 2 авгусҡа тиклем үтәсәк. Ярыш программаһы 21 дисциплинаны үҙ эсенә ала: бадминтон, баскетбол, боулинг, велоспорт — тау велосипеды, велосипедта йөрөү, юл, волейбол, пляж волейболы, гандбол, гандбол, грек-рим көрәше, дзюдо, карате, өҫтәл теннисы, йөҙөү, пуля менән атыу, самбо, ориентирлашыу, теннис, тхэквондо, футбол һәм башҡаһы. Сара Өфөнөң 13 спорт объектында үтә. Уйындарға 500-ҙән ашыу судья, 50 ым-ишара теле тәржемәсеһе һәм 200 ирекмән йәлеп ителәсәк. Фотолар https://vff.org.vn/ сайтынан алынды.
