"Ватанды һаҡлаусылар" дәүләт фондына мөрәжәғәт итергә була

Махсус хәрби операция ветерандары һәм уларҙың ғаиләләре «Ватанды һаҡлаусылар» дәүләт фондына документтар юллауҙан башлап ҡайтанан уҡытыу һәм эшкә урынлаштырыу буйынса ярҙам һорап мөрәжәғәт итә ала.Фонд хаҡында төп мәғлүмәт:Фондтың төп маҡсаты — мухсус хәрби операция ветерандарына һәм һәләк булған яугирҙәрҙең ғаиләләренә тейешле социаль ярҙам күрһәтеү.Фонд үҙенең эшен ғәҙеллек, хәстәрлек һәм ихтирам принциптарына нигеҙләнеп ҡора.Һәр ветеранға һәм һәләк булған яугирҙең ғаилә ағзаһына социаль координатор булышлыҡ итә.Дәүләт фондында ярҙам бушлай күрһәтелә.Фонд эшмәкәрлеге йүнәлештәре:- юридик ярҙам;- психолог-терапевт ярҙамы;- медицина реабилитацияһы, паллиатив медицина ярҙамы, шифахана-курорт дауалауы, өйҙә (оҙайлы ваҡытта) тәрбиәләү хеҙмәтенән файҙаланыуға булышлыҡ итеү;- дарыуҙар, медицина изделиелары, техник реабилитация саралары менән тәьмин итеү;- махсус хәрби операция ветерандарына социаль яраҡлашыу буйынса программалар әҙерләү һәм уларҙы тормошҡа ашырыу;- йәмғиәтте патриотик рухта тәрбиәләүгә йүнәлтелгән аң-белем таратыу эшмәкәрлеген һәм махсус хәрби операция ветерандары иҫтәлеген һәм уларҙың батырлығын мәңгеләштереү буйынса саралар ойоштороу;- ветерандар ҡатнашлығында спорт саралары ойоштороу, шулай уҡ инвалид ветерандарҙы паралимпия хәрәкәтенә йәлеп итеү;- мәҙәниәт учреждениеларына ташлама менән һәм бушлай йөрөүҙе ойоштороу, илдең тарихи-мәҙәни мираҫы менән таныштырыу;- документтар юллауҙа (тергеҙеүҙә) ярҙам күрһәтеү.Хәтерегеҙгә төшөрәбеҙ, Рәсәй Президенты 2023 йылдың 3 апрелендә "Ватанды һаҡлаусылар" дәүләт фондын булдырыу тураһындағы указға https://vk.cc/cmPpsl ҡул ҡуйҙы.«Ватанды һаҡлаусылар» фондының Башҡортостандағы филиалы Өфөлә Минһажев урамындағы 107-се йортта урынлашҡан. Эш ваҡыты: 9.00 - 18.00, телефон: + 7 (347) 268-01-02.