Хәйбулла районының Аҡъяр ауылында яңы йөҙөү бассейны асылды. Был спорт комплексын төҙөү күп кешенең физик культура һәм спорт менән шөғөлләнеүе өсөн шарттар булдырған “Демография” милли проекты маҡсаттарына тура килә. Объекттың дөйөм майҙаны 835 квадрат метр тәшкил итә. 25 метрлы бассейн дүрт йөҙөү юлына иҫәпләнгән, унда инвалидтар ҙа йөҙә аласаҡ. Бинала сисенеү, душ бүлмәләре, тренер, табип кабинеттары, һыу лабораторияһы, санитар-көнкүреш һәм техник бүлмәләр бар. Сменаһына 30 кеше шөғөлләнә аласаҡ. Штатта – ике тренер һәм ике йөҙөү инструкторы, ҡотҡарыусы-инструкторҙар, медиктар, лаборант, инженер, шулай уҡ хеҙмәтләндереүсе һәм техник персонал бар. Бассейнды асыу – районда йәштәр һәм уҡыусылар араһында йөҙөүҙе үҫтереү, дөйөм алғанда халыҡты сәләмәт йәшәү рәүешенә йәлеп итеү өсөн мөһим ваҡиға. – Бындай спорт комплексы киләсәктә район һәм республика ғына түгел, ә төбәк-ара кимәлдәге ярыштарҙы үткәреү мөмкинлеге лә бирәсәк. Аҡъяр ауылы халҡы өсөн был - беренсе бассейн. Спорт менән, айырып