Фән һәм технологияларҙың 10 йыллығы, “Фән һәм университеттар” милли проекты (национальный проект «Наука и университеты») сиктәрендә ғилми кадрҙарға ярҙам итеүгә, донъя кимәлендәге фәнни-белем биреү үҙәктәрен булдырыуға ҙур иғтибар бирелә. Санкция баҫымы шарттарында, импортты алмаштырыу өлкәһендә уңышҡа өлгәшеү өсөн улар үҫеш йүнәлештәрендә үҙгәртә. Рәсәйҙә 15 ошондай үҙәктәрҙән селтәр барлыҡҡа килгән. Улар етештереүселәрҙе, заказсыларҙы берләштерә. Төрлө төбәктәрҙең ғалимдарының мөһим мәсьәләләрҙе хәл итеүгә берләшеүҙәре лә мөһим сара. Фәнни-белем биреү үҙәге бөгөн Рәсәйҙең 36 субъектында эшләй. Башҡортостанда мегагранттар һәм проекттар донъя кимәлендәге Евразия фәнни белем биреү үҙәге эшмәкәрлеге сиктәрендә ғәмәлгә ашырыла. 2020 йылда Рәсәй Хөкүмәтенең мегагрантын Евразия фәнни-белем биреү үҙәгенең “Мультиомикс мәғлүмәттәрен һәм персональ медицина үҫешен комплекслы анализлау өсөн юғары етештереүсәнле һынау ҡоралдарын эшләү” технологик проекты алды. Әйтергә кәрәк, төбәк мегагранттары Башҡортостанда 2021 йылдан тормошҡа ашырыла. Илебеҙ ғалимдары проекттарының мөмкинлектәре, уларҙың сит ил коллегалары менән үҙ-ара бәйләнеше 13 июлдә панель сессияһы барышында тикшерелде. Сессияла билдәләүҙәренсә, Рәсәйҙә үҙҙәренең технологик мөхите булдырылған, ул партнерҙар һәм хеҙмәткәрҙәр өсөн ҡыҙыҡлы. Ләкин барыһы менән дә шөғөлләнеү мөмкин түгел, һәр ваҡыт өҫтөнлөклө йүнәлеш алыу мөһим. Киләсәк технологиялар форумы – Рәсәйҙә яңы технологиялар үҫеше трендтарын тикшереү өсөн төп майҙансыҡ. Сара былтыр Рәсәй Президенты Владимир Путин указы менән иғлан ителгән Фән һәм технологияларҙың 10 йыллығы уңайынан уҙғарыла. Фото: Башҡортостан Хөкүмәте сайты.