"Ошо кимәлде һаҡларға кәрәк"

13 июлдә Башҡортостан Башлығы Радий Хәбиров видеобәйләнеш режимында Рәсәй Хөкүмәте рәйесе урынбаҫары Марат Хөснуллин үткәргән төбәк үҫеше буйынса Хөкүмәт комиссияһы президиумы эшендә ҡатнашты. Сарала масштаблы төбәк проекттарын тормошҡа ашырыу, шулай уҡ Рәсәй субъекттарында донъя кимәлендәге кампустарҙы ойоштороу ҡаралды. Башҡортостан илдең Рәсәй Хөкүмәте булышлығында заманса студенттар кампусы төҙөлгән төбәктәре төркөмөнә ҡарай. Башланғысты, “Фән һәм университеттар” милли проектына ярашлы, дәүләт-шәхси партнерлыҡ принциптарында тормошҡа ашырыла. Әйткәндәй, 2022 йылдың 14 декабрендә Халыҡ-ара эшҡыуарлыҡ аҙнаһы барышында Башҡортостан Хөкүмәте һәм “Эталон” төркөмө Өфөлә вуз-ара кампусы биналары комплексын төҙөү һәм файҙаланыу тураһындағы концессия килешеүенә ҡул ҡуйғайны. Президиум кәңәшмәһендә республика Башлығы Өфөлә Евразия фәнни-белем үҙәгенең вуз-ара студенттар кампусын ойоштороу тураһында һөйләне. Төҙөлөш ике этаптан торор тип күҙаллана. - Беренсе сират - майҙаны 36 мең квадрат метр булған IQ-паркты төҙөүҙе 2023 йыл аҙағында атҡарып бөтәсәкбеҙ. Бөгөн майҙансыҡта өс сменала 300 кеше эшләй, - тине Радий Хәбиров. – Икенсе сират – кампустың үҙәк ядроһы – 110-дан ашыу метр майҙанды тәшкил итәсәк. Проект шәхсән минең контролдә. Рәсәйҙең фән һәм юғары белем министры Валерий Фальков 2023 йыл аҙағында Өфө кампусының төҙөлөш майҙансығын ҡараны һәм эш барышы менән танышты. Объект раҫланған графикка ярашлы күтәрелә. Вице-премьер республиканың тармаҡ федераль программаларҙа лидер позицияһын биләүен билдәләне. - Барығыҙ ҙа бөтә программалар буйынса яҡшы эшләйһегеҙ. Башҡортостан – федераль программаларҙа ҡатнашыу йәһәтенән лидер, уларҙың 24-ендә ҡатнашаһығыҙ. Был тиклемде бер нидәй төбәк тә һайламаған әле, - тине Марат Хөснуллин. – Һеҙҙең ваҡытта, Радий Фәрит улы, республикала төҙөлөш үҫеше артты. Ошо кимәлде һаҡларға кәрәк. Сығанаҡ, фото: glavarb.ru/rus/press_serv/novosti/167830.html