6 июлдә Иглиндә 36 йәшлек Кристина исемле ҡатын юғалыуы тураһында билдәле булды. Шаһиттар әйтеүенсә, ул таксиға ултырған һәм билдәһеҙ йүнәлештә сығып киткән. Ошоға тиклем ҡатынды ирекмәндәр эҙләне. Һәм бөгөн, ҡыҙғанысҡа ҡаршы, насар яңылыҡ билдәле булды. “Поиск детей Иглино” эҙәрмәндәре хәбәр итеүенсә, ул табылған, тик үле килеш. Әлегә уның нисек һәләк булғаны билдәле түгел. Шулай уҡ кәүҙәнең ҡайҙа табылғаны тураһында ла хәбәр ителмәй. Шуныһы аяныслы, йәш ҡатындың бәләкәй балалары ҡалған. Бынан тыш, социаль селтәрҙә ҡатынды эҙләү тураһындағы пост аҫтында бер ҡатын кәрттәрҙән ҡарап, имеш, уның үле килеш табыласағы тураһында яҙған булған... Әле был эш менән хоҡуҡ һаҡсылары шөғөлләнә, улар фажиғәнең сәбәптәрен асыҡлаясаҡ. Фото: социаль селтәрҙәр.