“Янғантау” геопаркына республика ҡаҙнаһынан 128,5 миллион һум аҡса бүленәсәк, ул башҡорт халҡының милли батыры Салауат Юлаевтың тыуған ауылы урынында заманса парк төҙөүгә йүнәлтеләсәк. Был хаҡта республика премьер-министры Андрей Назаровтың күрһәтмәһе бар. Финанс саралары ике йыл дауамында үҙләштереләсәк. Геопарк директоры Айрат Ғәлиев әйтеүенсә, Тәкәй ауылы урынында “Салауат ере” тарихи-мемориаль комплексы барлыҡҡа киләсәк. – Комплекс Мостай Кәримдең “Салауат. Өн аралаш ете төш” әҫәренә нигеҙләнеп эшләнәсәк, уның сюжеты милли батырҙың биографияһына бәйле буласаҡ. Был киләсәктә туристарҙың яратҡан урынына әүерелергә тейеш, сөнки үҙендә Башҡортостстандың тарихи, рухи, мәҙәни көсөн берләштерәсәк, - ти Айрат Ғәлиев. Салауат районы хакимиәте башлығының эшҡыуарлыҡ һәм инвестициялар буйынса урынбаҫары Илшат Хәсәнов иһә түбәндәге фекерҙе белдерҙе: – «Салауат ере» тарихи- мемориал комплексын төҙөү – батырҙың яҡташтары һәм тотош республика тарафынан күптән көтөлгән сара. Салауат Юлаев – баш