Минең яратҡан ирем махсус хәрби операцияла ҡатнаша. Әле ул йөрөгән ерҙәрҙә интернетҡа сығыу ҙа, ябай элемтәнән файҙаланыу ҙа мөмкин түгел. Ҡыҫҡа ғына "нормально, иҫән-һаумын, яратам" тигән хәбәрҙе оҙаҡ ваҡыт көтөргә тура килә. Көндәр ҡәҙимгесә үтә. Беҙ көндәлек эштәр менән булышабыҙ, ә башта бер генә уй - "ул унда ни хәлдә икән". Шулай аҙна, айҙар үтә. Ҡурҡа-ҡурҡа яуап көтәбеҙ. Бөгөн минең тыуған көнөм. Тап бөгөн ҡәҙерле иремдән ҡотлау алыу шундай ҡыуандырҙы. Ҡыйын булһа ла, ул элемтәгә сығырға форсат тапҡан. Бары бер нисә һөйләм ул хәбәрҙә, әммә шул тиклем һөйөү һәм хәстәрлек һүҙҙәре һыйған! Һәм... Һәм минең яҡын кешемдең фоторәсеме. Әллә күпме хәбәрләшмәгәндән һуң был - минеү өсөн иң ҙур бүләк! Үҙ ғүмеремдә тыуған көнөмдә бындай бәхетле тойғолар кисергәнем булманы. Һалдат ҡатыны. Автор фотоһы.