Башкортстанның Әбҗәлил районындагы Хәмит авылында берьюлы 4 йорт яна. Бу турыда Гадәттән тыш хәлләр министрлыгына сылтама белән «Башинформ» яза.
Тынычлык урамындагы агач өйләргә һәм каралты-кураларга ут капкан. Урынга беренче булып ирекле янгын сүндерү командасы барган. 20дән артык кеше һәм махсус техника ут белән көрәшә.
Имгәнүче кешеләр турында хәбәр ителми. Янгынның зур утын туктатканнар. Сүндерүгә өйләрнең тыгыз урнашуы һәм көчле җил комачаулый, диелә хәбәрдә.