Әбйәлил районының Рәхмәт ауылында йәшәгән сәсән телле, оҫта ҡуллы, оптимистик рухлы Нурлығаян инәй Мансуроваға 1 июндә 95 йәш тулған. Әйткәндәй, инәй үҙенең исемен Нурылғаян тип һанай, сөнки Нурлығаян - ул ирҙәр исеме, ти.Күңеленә ятҡан шиғырҙарҙы ятлауына, хәтеренең шәплегенә, ҡулының оҫталығына һоҡланып ҡарамау мөмкин түгел, күҙ теймәһен. Уның был һәләттәренә балалары, таныштары, ауылдаштары ла күнегеп бөткән, ғәҙәти хәл кеүек ҡабул итә. Күптән түгел сәсән телле, шәп зиһенле инәйҙең үҙе сығарған шиғырын ятлаған видеояҙмаһы күп гәзит уҡыусыларҙы һоҡландырған ине, был юлы инәй шиғырын барлыҡ әсәйҙәргә бағышлай. "Мин - әсәймен" тип атала. Фото һәм видео: Баныу Ҡаһарманова.