Башҡортостандың мәҙәниәт министры Әминә Шафиҡова “Атайсал” проектында әүҙем ҡатнаша. – Тормошомда бәхетлемен, сөнки тотош республика тиерлек – бәләкәй Ватаным. Бөрйән районында был донъяға килгәнмен. Атайым Ивний Вәхит улы Мәсетле районының Әбдрәхим ауылында тыуған. Әсәйем – Асия Әхмәт ҡыҙы сығышы менән Ейәнсура районынан, ғәмәлдә ул Күгәрсен районының Төпсән ауылында тыуған. Апаһы Йылайыр районында донъяға килгән. Ошо төбәктәргә килгән саҡта барыһы ла мине үҙенеке тип һанай һәм йылы итеп “яҡташым” тип өндәшә. Ошо көндәрҙә Әбдрәхим мәктәбенә 100 йыл тулды, унда күп йылдар элек атайым уҡыған. Ул саҡта, 40-сы йылдар аҙағында, мәктәп ике бүлмәле өйҙә урынлашҡан. Яҙын Әй йылғаһы ауыл буйлап аға, һәм балалар ауылдың бер яғынан мәктәпкә тиклем кәмәләрҙә йөрөй. Хәҙер бында заманса матур мәктәп бар. Юбилейға атайым буш ҡул менән килмәне: интерактив таҡта һәм проектор бүләк итте, шуға күрә хәҙер беҙҙең ғаиләнән “Атайсал” проектында ҡатнашҡан кеше мин генә түгел, – тип фекерҙәрен уртаҡлашты Әминә Ивний ҡыҙы. Рәмилә МУСИНА