Тыуған илде өйрәнеү һәм уның тарихын хәтерләү мөһим. Әлеге ваҡытта был айырыуса әһәмиәткә эйә. Илһөйәрлек йүнәлешендәге саралар "Мәғариф" милли проектының "Патриотик тәрбиә биреү" федераль проектының маҡсаттарына өлгәшеүгә йүнәлтелгән. "Атайсал" проекты сиктәрендә Межгорье ҡалаһының 2-се мәктәбе уҡытыусылары бер кабинетта “Беҙҙең Бөйөк Еңеү” стендтарын урынлаштырҙы. Был – яңыртылған ысынбарлыҡҡа һәм эске тулыландырыуға эйә булған яңы быуындың күргәҙмә пособиелары. Улар ярҙамында Рәсәй Геройҙары, 112-се Башҡорт кавалерия дивизияһының хәрби юлы, Бөйөк Ватан һуғышы йылдарында уҡыусылар өсөн тыуған Башҡортостан тураһында күп ҡыҙыҡлы мәғлүмәттәр алырға мөмкин. Уҡытыусыларға бындай күргәҙмә әсбаптары эштә бик яҡшы ярҙам итә – бында барыһы ла аныҡ күрһәтелгән, балаларға бындай мәғлүмәтте хәтерендә ҡалдырыуы еңел. Хәрби-патриотик тәрбиә яңы кимәлгә сыға. “Иленең, тыуған төйәгенең, ҡаланың йәки ауылдың героик тарихы тураһында кеше ни тиклем күберәк белһә, алдағы быуындарҙың тәжрибәһенә таянып шул тиклем ауыр ваҡытта уға дөрөҫ ҡарар ҡабул итеү еңелерәк буласаҡ”, – ти проект кураторы, 2-се мәктәп уҡытыусыһы Зөлфиә Фәхретдинова. Билдәле булыуынса, "Мәғариф" (национальный проект “Образование”) милли проекты Рәсәй Президенты Владимир Путиндың май указы менән булдырылды. #ВладимирПутин #национальныепроекты#нацпроекты #региональныепроекты#регпроекты#нацпроектыБашкортостан Фото: Межгорье ҡалаһы хакимиәте.