Башҡортостанда Көнсығыш сығыу юлында "Хәүефһеҙ сифатлы юлдар" милли проекты сиктәрендә асфальт-бетон заводы эшләй башланы. Эштәрҙе быйыл йәй һәм көҙ башҡарыу планлаштырыла. Юлсылар дөйөм майҙаны 380 000 м2 (137 956 тонна) асфальт-бетон япма түшәйәсәк. – “Көнсығыш сығыу юлы”нда әүҙем төҙөлөш осоро 2020 йылда башланды, өс йыл эсендә ғәйәт ҙур эштәр башҡарылды, – тине республиканың транспорт һәм юл хужалығы министры Александр Клебанов. – Әлеге ваҡытта Ҡариҙел йылғаһы аша күпер үткәүелендә эштәр 75 процентҡа тамамланған, тоннель әҙерлеге – 85 процент, юлдар 40 процент тәшкил итә. Әйткәндәй, юл япмаһын етештереү өсөн сеймал Башҡортостан Республикаһынан да, күрше төбәктән – Силәбе өлкәһенән дә файҙаланыласаҡ. Бөгөнгә “Көнсығыш сығыу юлы” төҙөлөшөндә 2600 кеше һәм 310 берәмек техника йәлеп ителгән. Иҫегеҙгә төшөрәбеҙ, “Көнсығыш сығыу юлы” – Волга буйы федераль округында иң күләмле инфраструктура проекты һәм Рәсәйҙә иң ҙурҙарҙың береһе. Билдәле булыуынса, "Хәүефһеҙ сифатлы юлдар" (национальный проект “Безопасные качественные дороги”) милли проекты Рәсәй Президенты Владимир Путиндың май указы менән булдырылды. #ВладимирПутин #национальныепроекты#нацпроекты #региональныепроекты#регпроекты#нацпроектыБашкортостан Фото: Транспорт һәм юл хужалығы министрлығы.