Махсус хәрби операция башланғандан алып, Башҡортостан Диңгеҙ йыйылышының Федоровка филиалы Виктор Веселов етәкселегендә хәрбиҙәр өсөн гуманитар ярҙам туплау менән шөғөлләнә. Июнь айы аҙағында сираттағы тауарҙар, аҙыҡ-түлек партияһы һуғыш зонаһына оҙатылды. Хәрби-дингеҙ флоты ветерандары Сергей Горячев, Рәфис Хәмиҙуллин, Ришат Мөхәмәтйәнов, Петр Митюков, Алексей Антипов, Тимерҡаҙыҡ Әхмәров, Зәбир Рафиҡов, Вячеслав Веселов, Николай Швецов, Андрей Семендяев баллонлы газ горелкалары, гигиена саралары алыуҙа, йөктө алып барып еткереүҙә ҙур ярҙам күрһәтте, тип яҙа “Ашҡаҙар таңдары”. Гончаровка ауылынан Гөлфиә һәм Малик Шәймәрҙәновтар үҙҙәре эшләгән сәй һәм миндектәр әҙерләп килтергән.Александр Буркин умарталығынан татлы бал алып килгән.Новоселка ауылынан “Бөтәһе лә фронт өсөн, бөтәһе лә еңеү өсөн” хәрәкәте ирекмәндәре , “Һалдаттар өсөн тегәбеҙ” тегеү цехы һәм “Еңеү өсөн” төркөмө ағзалары тарафынан әҙерләнгән маскировка селтәрҙәре хәрби зонаға оҙатылды. Исемле посылкалар ҙа ебәрелгән. Окоп шәмдәрен Новоселка ирекмәндәре һәм “Селяночка” йыр ансамбле ағзалары эшләп алып килгән. Федоровкалар артабан да яҡташтарын иғтибар үҙәгендә тотасаҡ, ҡулдан килгәнсә Еңеүҙе яҡынайтыу өсөн тырышлыҡ һаласаҡ. В.Веселов фотоһы.