Рәсәй Президенты Владимир Путин 23 июндә ҡул ҡуйған закон Рәсәй Федерацияһы Ҡораллы көстәре менән контракт төҙөгән ир-егеттәр өсөн хәрби хеҙмәттә булыуҙың сикләнгән йәшен билдәләй. Юғары офицер хәрби званиеһы булған кешеләр өсөн ул – 70, башҡа хәрби званиелары булған граждандар өсөн 65 йәш тәшкил итәсәк. Шулай уҡ был закон хәрби хәл осоронда хөкөм ителгән граждандарҙы контракт буйынса хәрби хеҙмәткә саҡырырға мөмкинлек бирә, ауыр енәйәттәр өсөн хөкөм ителгәндәрҙән башҡа. Документ рәсми хоҡуҡи мәғлүмәт порталында урынлаштырылған. Законға ярашлы, мобилизация һәм һуғыш осоронда РФ Ҡораллы көстәре менән контракттарҙы сикләнгән яраҡлы граждандар ҙа төҙөй ала. “РФ Ҡораллы көстәрендә хәрби хеҙмәт үтеү тураһында контракт төҙөргә мөмкин булған кешеләрҙең исемлеге тулыландырыла. Мәҫәлән, бындай контрактты енси тейелгеһеҙлеккә ҡаршы енәйәт ҡылған өсөн хөкөм ителгәндәрҙән тыш, аҙ һәм уртаса ауырлыҡтағы енәйәт ҡылған һәм хөкөм ителеүе бөтөрөлгән йәки түләнгән төрмәлә ултырған граждандар менән төҙөргә мөмкин. Бындай контракттарҙы төҙөү үҙенсәлектәре РФ Оборона министрлығы тарафынан билдәләнә”, – тиелә Федерация Советының Конституция комитеты һығымтаһында. Был граждандар хәрби хәл бөтөрөлгәндән һуң, мобилизация осоро һәм һуғыш ваҡыты тамамланғандан һуң хәрби хеҙмәттән китә ала, тип билдәләнелә. Иҫегеҙгә төшөрәбеҙ, бер йылға контракт төҙөгәндә бер тапҡыр 195 мең һум күләмендә түләү түләнә. Махсус хәрби операцияла ҡатнаша башлағандан алып аҡсалата тәьминәт айына 204 мең һумдан алып тәшкил итә. Бөтә контрактсыларға социаль гарантиялар, хәрби хәрәкәттәр ветераны статусы ҡаралған. Тулыраҡ мәғлүмәтте телефондан белергә мөмкин: 117, 8 (347) 218-19-19, 8 (347) 248-29-31. Фото: rv-news.ru