1 июлдән Рәсәй поликлиникаларында психологик ярҙамды бушлай алып була. Шулай итеп, республикала йәшәүселәр, шул иҫәптән махсус хәрби операцияла ҡатнашыусылар белгес ярҙамын файҙалана ала. Был сара Рәсәй Һаулыҡ һаҡлау министрлығы фарманына ярашлы атҡарыла. Июнь башынан Башҡортостанда медик-психологик кәңәштәр биреү буйынса 39 кабинет һәм дүрт медик-психологик бүлексә асылған. Был кабинеттарҙың штаттарына ярашлы, халҡы 25 меңдән ашыу булғанда медицина психологы ҡаралған. Ғаилә, хеҙмәт һәм халыҡты социаль яҡлау министрлығы тарафынан “Телеграмм” мессенджерында чат-бот бар. Уның ярҙамында психолог ярҙамын алып була. Төбәктә тағы колл-үҙәк эшләй (8-800-201-89-03). Тағы республиканың Ситуациялар үҙәге 8 (347) 218-19-19 һәм 122 (өҫтәмә 2) телефондары буйынса шылтыратыуҙарҙы ҡабул итә. Кәрәҙле телефондан шылтыратыу иһә бушлай. Башҡортостан Һаулыҡ һаҡлау министрлығының Республика клиник психотерапия үҙәгендә махсус хәрби операциянан демобилизацияланған ҡатнашыусылар һәм махсус хәрби операцияла х