Йөрәккә иғтибарлы булыу кәрәк

Ишембай үҙәк район дауаханаһы, “Һаулыҡ һаҡлау” милли проектына ярашлы, фельдшер-акушерлыҡ пункттары өсөн 14 заманса электрокардиографик модулле системалар алды. Хәҙерге заман медицинаһы йыл һайын яңы тикшереү варианттары менән тулылана. Кардиология эшмәкәрлегендә элеккесә киҫемһеҙ, һаҡсыл һәм ябай электрокардиография ысулы алдынғылыҡты бирмәй. Уның төп тәғәйенләнеше – йөрәк-ҡан системаһы торошон контролләү, барыһынан да элек– йөрәкте. Электрокардиограмманы даими яһау йөрәк һәм ҡан тамырҙары патологияларын иртә асыҡларға ярҙам итә. – Яңы электрокардиографтар бик йыйнаҡ, уңайлы сумкаларҙа. ЭКГ-модулдәрҙе файҙаланыу диагностикаға ваҡытты экономияларға ярҙам итә һәм хаталарға юл ҡуймай. Уларҙың ярҙамында кардиограмманы район дауаханаһына тейешле белгескә дауалау тактикаһын билдәләү өсөн ебәрергә мөмкин, – ти Ишембай үҙәк район дауаханаһының баш табибы Ринат Ғәйнетдинов. Рәсәй Президенты Владимир Путиндың “май” указдарына ярашлы, һаулыҡ һаҡлау тармағы алдында торған ошо бурыстарҙы тормошҡа ашырырға кәрәк: хеҙмәткә һәләтле йәштәге халыҡтың үлем күрһәткестәрен кәметеү, шулай уҡ яман шештәрҙән үлем күрһәткестәрен ( 100 мең кешегә 185 сир осрағына тиклем) аҙайтыу, сабыйҙар үлемен ҡыҫҡартыу (бер мең яңы тыуған сабыйға 4,5 промиллегә тиклем) һәм һәр кемдең тәүге медицина ярҙамынан файҙаланыу мөмкинлектәрен арттырыу. “Һаулыҡ һаҡлау” милли проектына (национальный проект “Здравоохранение”) ярашлы, инновациялы медицина технологияларын, шул иҫәптән, пациенттың сәләмәтлегенә иртә диагностика һәм дистанцион мониторинг системаһын индереү, тармаҡта берҙәм дәүләт мәғлүмәт системаһы нигеҙендә медицина ойошмаларының үҙ-ара берҙәм эшмәкәрлеге механизмдарын булдырыу – көн ҡаҙағындағы бурыстарҙың береһе. Фото: Һаулыҡ һаҡлау министрлығы.