"Бәләкәй һәм урта эшҡыуарлыҡ, шәхси эшҡыуарлыҡ башланғыстарына ярҙам" милли проекты буйынса Благовещен районы хакимиәтендә аҙналыҡ “Эшҡыуарлыҡ сәғәте” кәңәшмәһе үтте. Унда ҡаралған темаларҙың береһе – “Башблагострой” яуаплылығы сикләнгән йәмғиәте ҡуртымға алған йәмәғәт туҡланыуы пунктын асыу. Предприятие кафе асыу өсөн ҡаланың Совет районында павильонды ҡуртымға алған. Тик эштәрҙе башҡарыу ваҡыты менән проблемалар килеп сыҡҡан. Хакимиәт вәкилдәре уларға эштәрҙе ваҡытында тамамларға тәҡдим итте. Сөнки өлгөрмәһәләр, ҡуртым килешеүен өҙөүҙәре бар. Благовещен районы хакимиәте башлығы Олег Голов ҡаланың тарихи өлөшөн үҫтереү мөһим бурыс булып тора тине. Совет урамы ҡала халҡы һәм ҡунаҡтары өсөн иң популяр урын, унда экскурсиялар үтә. Шуға күрә бында сифатлы туҡланыу кафеһы асыу был маҡсаттарға тура килгән эш. Эшҡыуарлыҡ сәғәтендә ҡатнашыу өсөн 8(34766)2-13-68 телефоны буйынса шылтыратырға кәрәк. Билдәле булыуынса, "Бәләкәй һәм урта эшҡыуарлыҡ, шәхси эшҡыуарлыҡ башланғыстарына ярҙам" (национальный проект “Малое и среднее предпринимательство и поддержка индивидуальной предпринимательской инициативы”) милли проекты Рәсәй Президенты Владимир Путиндың май указы менән булдырылды. #ВладимирПутин #национальныепроекты#нацпроекты #региональныепроекты#регпроекты#нацпроектыБашкортостан Фото: Благовещен районы хакимиәте.