Августа Баймаҡ районындағы Граф күле буйында ”Башҡорт аты” халыҡ-ара башҡорт тоҡомло аттар фестивале уҙа. Сара йылҡысылар, ошо өлкәләге белгестәр, ғалимдар, биҙәү-ҡулланма ижад оҫталары, һөнәрселәр, рәссамдар, халыҡ ижады коллективтары, фольклорсылар, этнографтар, спорт ярыштарында ҡатнашыусылар һ.б. өсөн ҡыҙыҡлы буласаҡ. Әгәр ҙә һеҙ улар иҫәбенә инһәгеҙ, яратҡан эшегеҙ менән ун йылдан ашыу шөғөлләнһәгеҙ, www.bashkort-aty.ru сайтында теркәлеү үтә алаһығыҙ. Фестивалдең маҡсаты булып төбәктә йылҡысылыҡ, ҡымыҙ эшләү, халыҡ кәсептәре традицияларын һаҡлау һәм үҫтереү, башҡорт тоҡомло аттар һанын арттырыу, уларҙы популярлаштырыу тора. Геолокация: 52.6493197, 58.3256030 Махсус ойошторолған маршрут автобустарында Баймаҡтан Граф күленә тиклем барып етергә мөмкин. Уларҙың араһы - өс саҡрым. Үҙ машинаһында барғандарға туҡталҡа ҡаралған, маршрут буйынса күрһәткестәр ҙә ярҙамға киләсәк: – Сермән - Баймаҡ автотрассаһы: Темәс ауылы аша – Түбә ауылы – Иҫән ауылы – Граф күле; – Сермән - Баймаҡ автотрассаһы: Баймаҡ ҡалаһы аша – Граф күле; – Ира - Магнитогорск автотрассаһы: Юлдыбай ауылы аша – Баймаҡ ҡалаһы – Граф күле; – Магнитогорск - Ира автотрассаһы: Сибай ҡалаһы аша – Баймаҡ ҡалаһы – Граф күле. Балалары менән килеүселәргә лә айырым программа – интерактив уйындар һәм Башҡорт дәүләт ҡурсаҡ театры спектакле сығышы ҡаралған. Шулай уҡ Республика халыҡ ижады үҙәге белгестәре тарафынан милли уйындар ойошторола. Фестиваль өс көн – 11-13 август барасаҡ. Ситтән килгәндәр Сибай, Баймаҡ, Белорет ҡунаҡханаларында урынлаша, Әбйәлил, Баймаҡ, Белорет райондарында йәшәй ала. Бының өсөн алдан уҡ номерҙарға заказ бирергә кәрәк. Теләге булғандар халыҡ-ара физкультура-спорт уйындарында ҡатнашыу мөмкинлегенә эйә, әммә уның үҙ талаптары бар. Әйткәндәй, еңеүсегә төп бүләк – автомобиль! Тулыраҡ мәғлүмәт – сайттағы положениела. Шулай уҡ балалар һәм үҫмерҙәр өсөн халыҡ уйындары, эстафеталар ойоштороласаҡ. Бәйләнеш үҙәгендә өҫтәмә һорауҙарға яуап алырға мөмкин: 8 (937) 331 02 01, 122 (өҫтәмә 4). Сығанаҡ: "Аңлатабыҙ. Башҡортостан" төркөмө. Фото: vk.com