Башҡортостандан махсус хәрби операцияла ҡатнашыусылар үҙҙәрен ҡурҡыу белмәҫ яугирҙәр итеп күрһәтә. Әлшәй районы хакимиәте башлығы Дамир Мостафиндың "Бәйләнештә"ге сәхифәһендә еткергән яңылығы ла - ошоға дәлил. "Әлшәй районынан алты яугир – "Альфа", "Фаза", "Масло", "Шах", "Искәндәр", "Жека" ҡушаматлы яҡташтарыбыҙ ҡаһарманлыҡ, дөрөҫ тактика күрһәткәндәре өсөн "Батырлыҡ өсөн", "Хәрби ҡаҙаныштар өсөн" миҙалдары һәм Суворов ордены менән бүләкләнгән. Уларҙы ҙур награда алыуҙары уңайынан ихлас ҡотлайым. Ҡаһарманлығығыҙ, илебеҙгә тоғро хеҙмәт итеүегеҙ өсөн ҙур рәхмәт! Барығыҙға ла сыҙамлыҡ, ныҡлы һаулыҡ, уңыштар теләйем. Беҙ һеҙгә ышанабыҙ!" - тип хәбәр итте район хакимиәте башлығы. Фото Д. Мостафиндың сәхифәһенән.