Башҡортостан Хөкүмәте төбәк биләмәһендә игенде урып-йыйыуҙан һуң эшкәртеү өсөн ҡорамалдар етештереү буйынса өҫтөнлөклө инвестиция проектын ғәмәлгә ашырыу шарттары тураһында инвестиция килешеүе төҙөнө. Проектты Белоруссияның “АМКОДОР” асыҡ акционерҙар йәмғиәте, 1,05 миллиард һум аҡса инвестициялаған, 250-нән ашыу яңы эш урыны булдырған күп профилле машиналар эшләү холдингы тормошҡа ашыра. Һалынған аҡсаның дөйөм күләме 2,5 миллиард һумға баһалана, шуның 1,4 миллиард һумын Башҡортостан һала. Документҡа 2023 йылдың 10 июлендә Екатеринбургта башланған Халыҡ-ара ИННОПРОМ 2023 сәнәғәт күргәҙмәһе сиктәрендә ҡул ҡуйылды. – “Өфө” индустриаль паркында игенде урып-йыйыуҙан һуң эшкәртеү өсөн машиналар етештереү буйынса завод төҙөлөшө тамамланды ла инде, барыһы ла планға ярашлы бара. Бөгөн ҡул ҡуйылған килешеү инвесторға дәүләт ярҙамы сараларын алыуға хоҡуҡ бирә. Өҫтөнлөклө инвестиция проекттары республика программаһында ҡатнашыу һалым льготалары алырға мөмкинлек бирәсәк. Шулай уҡ яңы предприятиеға